.. حبيب قلبى ..

حبيب قلبى..

وانا تايه فى دنيا غريبة و معافرة ..

لقيت حرفك .

مراكبى ف شط احلامى ..

كلام مخفى .. لميت فكرة ..

يهز كيانى من جوا .. وله شيفرة..

تحل الحزن جوايا.. تاخدنى ف حلم ويايا..

اشوف حلمك .. وأتمنى ..

ومين غيرك بمجدافه يسوق حلمى ..

لبر الحرف و المعنى .

حبيب قلبى .

وانا تايه لقيت حرفك .

مراكبى لشط عنوانى .

ندانى ف سرى و اتهجى .

بتعويذه .. وكام آيه .

ترج كيانى .. ميت رجه .

لقيتنى بنام على صوتك .

ومن قولك .. يقول قلبى .

واقرا وِرْد ايامى .

ف كون حبك .. يدوب حبى .

حبيب قلبى .

وانا جنبك مفكرتش .

ده امتى .. او ده ليه و ازاى ..

لانى عارف ان انت .

عاشقها زيي من قلبك .. بنغمة ناى ..

وبلمح بين رموش عينك .

دموعها وهى بتنادى .

ببحر حنانها .. بتناجى .

تعالى .. مشتاقه لعنيك . لبر امان ..

تعالى .. خد ايدى ف ايديك ..

وعدينى.. لشط امان .

حبيب قلبى .

شامم ريحة طيابتها .. مابين حرفك ..

بتسكن هدمتك .. وتوفح .

بتنعشنى .. وتوحشنى .

اضم عطورها بين حرفك .. منين ماتروح ..

واحضنها .. وادوب من تانى جواها .. ف نينى العين .

يابختك بيها يا صاحبي .

عايش فيها .. قريب منها . ف ارض حنين ..

وحرفك يشبهك ف كتير .

ملامحة حته من وشك .

سماره جوهرة من النيل .

وقلبه لؤلؤة من البحر .

تنورلى ف عز الليل .

وعنيه دافيه .. ورقيقة .

كقلب الام .

وقلبه طيب المعنى .

و كفه .

بلسمي من القهر .

حبيب قلبى .

دى وحشانى ..

ونورها مطرحه ف القلب .

وانا ذنبى .. بدوب فيها .

واعيش بالحرف معنى الحب .

امانة عليك .

تسلملى على خدودها .

تبوسلى كفوفها من قلبك .

تبلغها هناك و بعيد .

اكيد واحد عاشق حضنك .

ودايب قد ايه ف الحب .

وشايلك جوا وجدانه .. حياة القلب..

حبيب قلبى .. وايامى .

واحشنى وهى وحشانى .

ويوم مارجع .. هاوريلك .

صورتها ونقش ملامحها .

طبعته ف نينى احلامى .

يا اخي محمد والله عقدتنا بالشعر بصراحة انا والله بجد اقلك انك شــــــاعـــر موهوب

ياهوووو
لالالالالالا
مش مصدق دوخت انا
وواااو
مشكور اخي بجد انت فنان

حلوه منك دائما الا الامام خيو

حياك ابو جواد
يسلمو على المرور منور دووم انت

أغرقتني في بحر حبك وتوهتني في سحر هيامك
فبالعشق هائم وبالهوى حآلم ولك أسير وبك مجنون

محمد
سرحت مع كلماتك الى عالمك حتى أكاد أن أراك وأنت حآلم بعشيقتك
قلبي هتف قبل قلمي لروعة وشفافية روحك وعبير ندآآك
عبارات رائعه نسجتها لنا بكل رقه وعذوبه ..
أحـآسيس رآقيه ومشاعر مرهفه نبعت من قلبك الصادق النقي
دام لك كل غآليك ومغليك
اقدم لك كل عبارات شكري مع باقـآت وردي لشخصك
هذا وإسمح لي المرور صامت متعجب بما خطه قلمك
دمت بخير عزيزي
اخوك/سموالحب

انت دووم مسكنك
في القلب قبل العيون
وانت اللي وجودك ينور الشاشة
والصفحة
فعلا احرجتني بردودك الرائعة والمنمقة والمزخرفة
بالتعابير الدافئة
فعلآ كلامك له نسيج ذواق وجذاب
تحياتي
اخوك العبدلي

موضوع: رد: .. حبيب قلبى .. السبت مارس 19, 2011 11:38 pm

حلو واحلا من الحلو
مشاعرك المرهفه دائمآ

» واحة همس قلبى