قصيدة فخر الأجيال

فخر الأجيال

على وصف الرجال اللي تسمّى بالفعـال رجـال
لفت بيـض العلـوم وبيّـض الله وجـه راعيهـا

لفت ما كنّها الاّ سبّـق الخيـل ان بـدت تختـال
نواصيهـا النعـوت وفـي مناكبهـا.. قوافيـهـا

قصايد والقصايـد مـا نساومهـا بجـاه وْمـال
نعـبّ بحورهـا وان هـاج مزملهـا نرسّيـهـا

إذا امتدّ الفكـر وامتـدّ ليلـي والقصيـد وطـال
توشّحـت الشـوارد ولبسـت الاشعـار غاليهـا

كذب من قال ساعَفني عليهـا الجـن يـوم تقـال
أنا البـس جنّهـا واصـدر مواردهـا واروّيهـا

أنا وْلا فخر نجـل الشامـخ المتمـرّس الريبـال
على وصفه تجارينـي القصايـد قبـل اجاريهـا

على (محمد إبن راشد إبن مكتوم) طـاب الفـال
وطابت لـي قبـل لا الـزم قوافيهـا.. معانيهـا

متى قالوا صواريها المعاني.. ما هنـاك اشكـال
حـرام انّـي لمـدّ شراعهـا لأكبـر صواريهـا

على اكبر منبر ارميها ثنا وْعز وْفخـر واجـلال
ما دام ان الثنا لأهله.. على اكبر منبـر ارميهـا

لاجل قرمٍ غرس حلمه لشعبه واثمـرت الآمـال
حقايـق نبصـر اوّلهـا.. ونتبـاشـر بتاليـهـا

حقايق واضحه من دون ابو راشد صعب تنطـال
تباركهـا القلـوب وتبهـر النـاظـر مغانيـهـا

مغانيها تراود كل عطـرٍ مـا خطـر ع البـال
واراضيهـا يـراود كـل عاشـق فـوع ناديهـا

أراضيها الخزامـا والنفـل والبختـري والهـال
وما يخطر على بال العطـر يزخـر باراضيهـا

ولي فيها محب أسرف على قلبي وحـط وشـال
طلب روحي وروحي منـه فيهـا اللـي يكفّيهـا

من اوّل ما عرفته والضلـوع تجـرّ لـه مـوّال
ولا ادري نيّته بضلـوع صـدري وش تواليهـا

أنا محتـار مـا بينـه وبيـن (دبـي) بالمثقـال
يا أمّا (دبـي) لـه تحـلا أو انّـه لـي محلّيهـا

أو انّ (دبي) تحلا لان أبـو راشـد لهـا خيّـال
نعـم والله وتسبـق خيلهـا مـن سبـق واليهـا

دبي العِز مـن طيـب النسايـم عودهـا ميّـال
تمسّي صاحـب القـدر ونحـن باسمـه نمسّيهـا

صدى داره بشرق وغرب وجنوب التقى وشمـال
قبض الاربـع جهـات يليـن داره ذاع طاريهـا

طغى عزمه على وعر الدروب وله غدت مسيـال
تسيل الأرض لاقدامـه وتفخـر مـن مواطيهـا

غريبه كيف جادت بـه سنينـه والسنيـن بخـال
والاغرب كيف تضما له وهـو بالجـود يسقيهـا

لو ان المجد سهل ان كان كلٍ طـال منـه وْنـال
دروب المجـد ودروب العـلا صعبـه مراقيهـا

طويل العمر ما جيت اعتزي في وصفك الأمثـال
ولكـن المثايـل تعتزيـنـي بــك.. والبّيـهـا

يابوي ابشر ترى شبلك توارت عن مـداه اشبـال
وثب فوق الـدروب وسابقـت رجلـه خطاويهـا

ورث عزمك وحزمك والخصال تجرّ طيب خصال
مواثيقـه علـى طـرق المكـارم بـك يجدّيهـا

إذا شدّ الفخر لاجلك رحاله قمـت اشـدّ رحـال
على نهجك.. عشان افرد رحاله وارجع اطويهـا

واذا قالوا: من ادرى بالحصابي والـوزون ثقـال
عرفت ان الوزون ثقال وانـت ادرى بْحصابيهـا

على الدنيا جدال الاّ انت والله مـا عليـك جـدال
مع ان إيـدك يجـادل كـل وادي سيـل واديهـا

لو ان السحب تنشا من كفوف امست عليك ظلال
وخرّت ساجده لاهل الثرى مـن جـود منشيهـا

مكارمك المكارم والعطايـا مـن بحـرك جـزال
لو ان السفن تجري في يمينـك ضـاع شاطيهـا

يمينك كم لاحت وابرقت وابطـت وهـي تنهـال
ولا والله تـدري عـن يسـارك كـم معاطيهـا

وكم رجلٍ بصدره حاجه وجاك وقبـل لا يسـال
عطيته.. كنّـك ادرى بالصـدور وْسـرّ خافيهـا

وكم حلمٍ سبقته.. كان في عيـن الزمـان محـال
تقول المقبلات افضـل عليـك اسـرار باريهـا

يقولون اختصرت اجيال واقول انته فخر الاجيـال
إذا الأجيال بك ما تفتخـر.. مـن يفتخـر فيهـا Exclamation

» يا أمة الاسلام-قصيدة رائعة
» قصيدة للاخ امير
» قصيدة لكل بنت مستعجلة على الزواج
» قصيدة الأمم المتحدة2008
» قصيدة نزار قباني إهداء خااااااااااااااص الى ماسة اميرها